ଚାଉଳ ମାପରେ ହେରଫେରକୁ ନେଇ ଥାନାରେ ମାମଲା
ଚାଉଳ ମାପରେ ହେରଫେରକୁ ନେଇ ଥାନାରେ ମାମଲା,ଏଭଳି ଘଟଣା ଦେଖିବାକୁ ମିଳିଛି ଅନୁଗୋଳ ଜିଲ୍ଲା ବଅଁରପାଳ ଥାନା ଅନ୍ତର୍ଗତ ବୁଢ଼ାପଙ୍କ ଗାଁରେ । ଅଭିଯୋଗ ଅନୁଯାୟୀ ବୁଢ଼ାପଙ୍କ ଗାଁର ଦୀପକ କୁମାର ବେହେରା ଓ ତାଙ୍କ ମା ଗତକାଲି ଚାଉଳ ଆଣିବା ପାଇଁ ଡିଲରଙ୍କ ପାଖକୁ ଯାଇଥିଲେ । ସେଠାରେ ଡିଲର ଓଜନ ମାପରେ ହେରଫେର କରୁଥିବା ଦେଖିବା ପରେ ପ୍ରତିବାଦ କରିଥିଲେ। ସରକାରୀ ଓଜନ ମେସିନ ବ୍ୟବହାର ନକରି ବାହାର ଓଜନ ମେସିନ କାହିଁକି କରୁଛନ୍ତି ବୋଲି ପଚାରିଥିଲେ। ଶେଷରେ ସେସବୁ ଘଟଣା ନିଜ ମୋବାଇଲରେ ଭିଡ଼ିଓ ଉତ୍ତୋଳନ କରିଥିଲେ । ଏହାକୁ ନେଇ ଡିଲର ଓ ତାଙ୍କ ସ୍ୱାମୀଙ୍କ ସହ ଦୀପକଙ୍କ ଉଚ୍ଚବଚସା ହୋଇଥିଲା । ପରେ ଉତ୍ତକ୍ଷିପ୍ତ ହୋଇ ଡିଲରଙ୍କ ସ୍ୱାମୀ ଦୀପକ ଓ ତାଙ୍କ ମାଙ୍କୁ ଆକ୍ରମଣ କରିଥିବା ବଅଁରପାଳ ଥାନାରେ ଅଭିଯୋଗ କରିଛନ୍ତି । ପରେ ପୋଲିସ ପହଞ୍ଚିବା ସହ ଘଟଣାର ତଦନ୍ତ ଜାରି ରଖିଥିବାବେଳେ ଆକ୍ରମଣର ଶିକାର ହୋଇଥିବା ଦୀପକ ଆକ୍ରମଣକାରୀଙ୍କ ବିରୁଦ୍ଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ।