ବରଗଡ଼ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ବଡ଼ଦର୍ଲିପାଲି ସେବାଶ୍ରମ ବିଦ୍ୟାଳୟ ରେ ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇ ଯାଇଛି |ଏହି ଅବସରରେ ଆୟୋଜିତ ଉଦଘାଟନୀ ଉତ୍ସବରେ ମୁଖ୍ୟ ଅତିଥି ରୂପେ ଅମ୍ବାଭୋନା ବ୍ଲକ ଶିକ୍ଷା ଅଧିକାରୀ ଶ୍ରୀମତୀ ଭାବନା ସାହୁ ଯୋଗ ଦେଇ ଛାତ୍ରଛାତ୍ରୀ ମାନଙ୍କୁ ଜୀବନରେ ବିଜ୍ଞାନ ର ଗୁରୁତ୍ୱ ତଥା ଭବିଷ୍ୟତ ରେ ଜଣେ ଜଣେ ବୈଜ୍ଞାନିକ ହେବା ପାଇଁ ବାର୍ତା ପ୍ରଦାନ କରିଥିଲେ |
ବିଦ୍ୟାଳୟ ପରିଚାଳନା କମିଟି ସଭାପତି ଶ୍ରୀ ଉମାଶଙ୍କର ବେହେରା, ପରିଚାଳନା କମିଟି ସଭ୍ୟ ଶ୍ରୀ ଜୀବର୍ଧନ ବେହେରା ଓ ସଭ୍ୟ ଶ୍ରୀ ନହର ସାଏ ପଟେଲ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ |ଠିକ ସେହିପରି ଉଦଯାପନୀ ଉତ୍ସବରେ ବ୍ଲକ ମଙ୍ଗଳ ଅଧିକାରୀ ସୁଶ୍ରୀ ଲିଳିମା ଧାରୁଆ, ମୁଖ୍ୟ ଅତିଥି ରୂପେ ଯୋଗଦାନ କରିଥିଲେ |ଅମ୍ବାଭୋନା ବ୍ଲକ ଅତିରିକ୍ତ ଶିକ୍ଷା ଅଧିକାରୀ ଶ୍ରୀ ଲାଲମୋହନ ସିଂ ଓ ଶ୍ରୀ ମୋହନ ଚରଣ ମହନ୍ତ, ବିଦ୍ୟାଳୟ ପରିଚାଳନା କମିଟି ସଭାପତି ଶ୍ରୀ ଉମାଶଙ୍କର ବେହେରା ସମ୍ମାନିତ ଅତିଥି ରୂପେ ଯୋଗଦାନ କରି କୃତି ଛାତ୍ରଛାତ୍ରୀ ମାନଂକୁ ପୁରସ୍କାର ବଣ୍ଟନ କରିଥିଲେ |ଶିକ୍ଷକ ଶ୍ରୀ ବଳରାମ ଦରଦମେଘ ଓ ଶିକ୍ଷକ ଶ୍ରୀ ସନ୍ତୋଷ ମାଝୀ ବିଚାରକ ରୂପେ ଯୋଗଦାନ କରିଥିଲେ |
ବିଦ୍ୟାଳୟ ପ୍ରଧାନ ଶିକ୍ଷକ ଶ୍ରୀ ବିଦ୍ୟାଧର ପଶାୟତ ଉଭୟ ସଭାର ସଭାପତିତ୍ୱ କରିଥିବା ବେଳେ, ବିଦ୍ୟାଳୟ ଶିକ୍ଷକ/ ଶିକ୍ଷୟିତ୍ରୀ ରାଧିକା ନାୟକ,ମୀନକେତନ ଭଇସା, ସୁବଳ ବେହେରା, ଗାୟତ୍ରୀ ଡନ୍ସନା, ଚନ୍ଦ୍ରମା ଗର୍ତିଆ ଓ ମୀରା ପଶାୟତ ସଭା ପରିଚାଳନାରେ ସହଯୋଗ କରିଥିଲେ |ଛାତ୍ରଛାତ୍ରୀ ମାନଙ୍କ ତରଫରୁ ସର୍ବମୋଟ ୪୦ ଟି ପ୍ରୋଜେକ୍ଟ ପ୍ରଦର୍ଶିତ ହୋଇଥିଲା |ବିଦ୍ୟାଳୟ ଛାତ୍ରୀ ମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ |ଶେଷରେ ଶିକ୍ଷକ ସୁବଳ ବେହେରା ଧନ୍ୟବାଦ ଅର୍ପଣ କରିଥିଲେ |