ବନ୍ୟଜନ୍ତୁ ଶିକାର ପାଇଁ ବ୍ୟବହୃତ ଜିଆଇ ତାର କୁ ଜବତ କଲା ପେଟ୍ରୋଲିଂ ଦଳ

ଅନୁଗୋଳ ଜିଲ୍ଲା ରେଞ୍ଜର ପୁରୁଣାଗଡ଼ ସେକ୍ସନର କର୍ମଚାରୀମାନଙ୍କୁ ନେଇ ଗଠିତ ଏକ ମିଳିତ ରାତ୍ର ପାଟ୍ରୋଲିଂ ଦଳ ଓ ବିଦ୍ୟୁତ ବିଭାଗର କର୍ମଚାରୀମାନଙ୍କ ସହିତ ସୋରିଷପାଳ ଗ୍ରାମରେ ନଭେମ୍ବର ରାତି ପ୍ରାୟ ୧ ଘଟିକା ସମୟରେ ବେଆଇନ ବିଦ୍ୟୁତ ହୁକିଂ ଘଟଣା ଚିହ୍ନଟ କରିଥିଲେ। ଏହି ଅଭିଯାନ ସମୟରେ, ୪୩ଟି ଶୁଖିଲା ବାଉଁଶ ଖୁଣ୍ଟ, ୫ ମିଟର ପ୍ଲାଷ୍ଟିକ୍ ରଶି ଏବଂ ପ୍ରାୟ ୫ କିଲୋଗ୍ରାମ ଜିଆଇ ତାର ଜବତ କରାଯାଇଥିଲା। ଏହି ସାମଗ୍ରୀଗୁଡ଼ିକ ସାଧାରଣତଃ ବେଆଇନ ହୁକିଂ କାର୍ଯ୍ୟକଳାପ ସହିତ ଜଡିତ ଥିବା ସାମଗ୍ରୀଗୁଡ଼ିକୁ ଜବତ କରି ପରବର୍ତ୍ତୀ ସମୟରେ ଅଧିକ ତଦନ୍ତ ପାଇଁ ପୁରୁଣାଗଡ଼ ସେକ୍ସନ କାର୍ଯ୍ୟାଳୟକୁ ନିଆଯାଇଥିଲା। ଜନସାଧାରଣଙ୍କୁ ଏପରି ବେଆଇନ କାର୍ଯ୍ୟକଳାପରୁ ନିବୃତ୍ତ ରହିବାକୁ ନିବେଦନ କରିଛନ୍ତି ବନବିଭାଗ। ପାଟ୍ରୋଲିଂ ଦଳରେ ଫରେଷ୍ଟର ଗତିକୃଷ୍ଣ ବେହେରା, ହାତୀ ଦଳର ପ୍ରିତିରଞ୍ଜନ ଦାସ, ସୁପ୍ରଜିତ ସାହୁ, ସିଦ୍ଧାନ୍ତ ଦାସ, ପ୍ରଦୀପ ବେହେରା, ହାତୀ ଦଳର ବିଦ୍ୟୁତ୍ ବିଭାଗର ଲଳିତା ମୋହନ ମାଝୀ, ଗଜ ସମୀର ସାହୁ ଏବଂ ଚନ୍ଦନ ସାହୁ ପ୍ରମୂଖ ଉପସ୍ଥିତ ଥିଲେ ।