ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କଲା ପୋଲିସ
ଅନୁଗୋଳ ଜିଲ୍ଲା ବଅଁରପାଳ ଥାନା ଅନ୍ତର୍ଗତ ଅରାହାଟ ଗ୍ରାମର ସୁଶିଲ ବାରିକ ଥାନାରେ ଅଭିଯୋଗ କରିଥିଲେ କି ସେ ରହୁଥିବା ଶିମିଳିସାହି ଭଡ଼ା ଘରେ ଗତ ୯ ତାରିଖ ରାତି ପ୍ରାୟ ଆଠଟା ବେଳେ ଦୁଇ ଜଣ ବ୍ୟକ୍ତି ଆସି ବିନା କାରଣରେ ସୁଶିଲଙ୍କ ସ୍ତ୍ରୀ ଲିପି ବାରିକଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରିବା ସହିତ କମେଣ୍ଟ ମାରିଥିଲେ । ସୁଶିଲ ଏହାକୁ ବିରୋଧ କରିବା ସହିତ ବୁଝାସୁଝା ହୋଇ ଉକ୍ତ ଦୁଇ ଜଣ ବ୍ୟକ୍ତି ଘରକୁ ଯାଇ କିଛି ସମୟ ପରେ ପୁଣି ସୁଶିଲଙ୍କ ଘର ସାମ୍ନାକୁ ଆସି ଗାଳି ଗୁଲଜ କରିବା ସହିତ ଇଟା ପଥର ରେ ଆକ୍ରମଣ କରିଥିଲେ । ଉଭୟେ ସ୍ଵାମୀ ସ୍ତ୍ରୀ ଘରୁ ଭୟରେ ବାହାରକୁ ବାହାରି ନଥିଲେ। ୧୦ ତାରିଖ ଦିନ ସୁଶିଲଙ୍କୁ ଉକ୍ତ ଦୁଇ ଜଣ ବ୍ୟକ୍ତି ମାଡ଼ ମାରି ଏକ ଛୁରୀରେ ଆକ୍ରମଣ କରି ପଳାଇ ଯାଇଥିଲେ ଓ ଜୀବନରେ ମାରିଦେବା ଧମକ ଦେଇଥିଲେ। ସ୍ବାମୀ ସ୍ତ୍ରୀଙ୍କୁ ବିପଦ ଥିବା ନେଇ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ପୋଲିସ ଆଜି ସିମିଳିସାହିର ରିଙ୍କୁ ନାଏକ ଓ ରଞ୍ଜିତ ବେହେରାଙ୍କୁ ଗିରଫ କରି କୋର୍ଟ ଚାଲାଣ କରିଛି।