ବାଲିକୁଦା ମଣ୍ଡଳ ଶିକ୍ଷା ଅଧିକାରୀ କାର୍ଯ୍ୟାଳୟ ଅଧୀନରେ ଥିବା ଆପଣ୍ଡରା ପଞ୍ଚାୟତ ସ୍ଥିତ କୁଳସାହି ସରକାରୀ ପ୍ରାଥମିକ ବିଦ୍ୟାଳୟ ରେ ଶିକ୍ଷକ ବଦଳିକୁ କେନ୍ଦ୍ର କରି ୮ ଦିନ ହେବ ଅଭିଭାବକ ମାନଙ୍କ ଦ୍ୱାରା ବିଦ୍ୟାଳୟ ରେ ତାଲା ଝୁଲୁଛି | ଏଥିନେଇ ଜ଼ିଲ୍ଲା ପ୍ରଶାସନ ର ଅପାରଗ ପଣିଆ କୁ ଛାତ୍ର ଅଭିଭାବକ ମାନେ ଦାୟୀ କରିଛନ୍ତି | ଏ ସମ୍ପର୍କ ରେ ଛାତ୍ର ଅଭିଭାବକ ମାନେ ବ୍ଲକ ଶିକ୍ଷା ଅଧିକାରୀ, ଜ଼ିଲ୍ଲା ଶିକ୍ଷା ଅଧିକାରୀ, ଜ଼ିଲ୍ଲାପାଳ ଆଦି ଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ୍ୟ ଜ଼ିଲ୍ଲା ପ୍ରଶାସନ ଏ ଦିଗରେ କୌଣସି ଦୃଷ୍ଟାନ୍ତ ମୂଳକ ପଦକ୍ଷେପ ଗ୍ରହଣ କରିନାହିଁ କି ପୂର୍ବ ଭଳି ବିଦ୍ୟାଳୟ ରେ ପାଠ ପଢା ହେଉନାହିଁ | ଖବର ନେବାରେ ଜଣାପଡିଛି ଚଳିତ ଶିକ୍ଷା ବର୍ଷରେ କୁଳ ସାହି ସରକାରୀ ପ୍ରାଥମିକ ବିଦ୍ୟାଳୟ ର ରେଗୁଲାର ଆଦର୍ଶ ଶିକ୍ଷକ ମାନସ ଦାସ ଙ୍କ ର ଅନ୍ୟତ୍ର ବିଦ୍ୟାଳୟ କୁ ବଦଳି କରାଯାଇଛି | ହେଲେ ଏହା କୁ ଅଭିଭାବକ ମାନେ ସହଜ ରେ ଗ୍ରହଣ କରୁନାହାନ୍ତି | ମାନସ ସାର ଙ୍କ ବଦଳି ବାତିଲ କରାଯାଉ |ମାନସ ସାର ଆସି ବିଦ୍ୟାଳୟ ରେ ଯୋଗଦେଲେ ବିଦ୍ୟାଳୟ ଗେଟ ଖୋଲା ଯିବ ପୂର୍ବଭଳି ଆମ ପିଲା ମାନେ ବିଦ୍ୟାଳୟ ରେ ପାଠ ପଢିବେ| ନଚେତ ବିଦ୍ୟାଳୟ ଗେଟ ରେ ସବୁଦିନ ପାଇଁ ତାଲା ଝୁଲିବ ଯାହା ଆଗକୁ ଘଟିବ ସେଥିପାଇଁ ଜ଼ିଲ୍ଲା ପ୍ରଶାସନ ସମ୍ପୂର୍ଣ ଦାୟୀ ରହିବ ବୋଲି ଛାତ୍ର ଅଭିଭାବକ ମାନେ ଜ଼ିଲ୍ଲା ପ୍ରଶାସନ କୁ ଚେତାବନୀ ଦେଇଛନ୍ତି |
ଜଗତସିଂହପୁର ରୁ ଜ୍ୟୋତି ରଞ୍ଜନ ପରିଡା ଙ୍କ ରିପୋର୍ଟ
