ଅନୁଗୋଳ ଜିଲ୍ଲା କଣିହା ରେଞ୍ଜ ଅଧୀନରେ ବନବିଭାଗ ପକ୍ଷରୁ ଏକ ପାଟ୍ରୋଲିଂ ଅଭିଯାନ କରାଯାଇଥିଲା। ଯେଉଁଥିରେ କଣିହା ରେଞ୍ଜର କଣିହା-୧ ସେକ୍ସନର ସରଧାପୁର ବିଟ୍ ଅଧୀନରେ ଥିବା ସରଧାପୁର ଗ୍ରାମର ଟିପେଇଝରଣ ଅଞ୍ଚଳ ନିକଟରେ ବେଆଇନ କାଠ ଗଦା ବନବିଭାଗ ଚିହ୍ନଟ କରିଥିଲେ ।
ଜବତ ବନଜାତ ଦ୍ରବ୍ୟରେ ୧୩ ଟି ଶାଳ କାଠ ଥିଲା। ଯାହାର ମୋଟ ଆୟତନ ୪୭ ଘନଫୁଟ ଥିଲା ଏବଂ ମୋଟ ଆୟତନ ୧.୩୪୩୮ ଘନ ମିଟର ଥିଲା। ଉପଯୁକ୍ତ ପ୍ରକ୍ରିୟା ଅନୁସରଣ କରି ସାମଗ୍ରୀଗୁଡ଼ିକୁ ଜବତ କରାଯାଇଥିଲା ଏବଂ ପରବର୍ତ୍ତୀ ସମୟରେ ନିରାପଦ ହେପାଜତ ପାଇଁ କଣିହା ରେଞ୍ଜ କାର୍ଯ୍ୟାଳୟ କ୍ୟାମ୍ପସକୁ ପଠାଯାଇଥିଲା। ଏହି ସମ୍ପର୍କରେ ଏକ ମାମଲା ପଞ୍ଜିକୃତ ହେବା ସହ ବର୍ତ୍ତମାନ ତଦନ୍ତ ଚାଲିଛି।
ପାଟ୍ରୋଲିଂ ଦଳରେ ଶ୍ରୀ ଦୀପକ କୁମାର ସେଠି (ବନପାଳ), ଶ୍ରୀ ଦିପକ କୁମାର ସାହୁ (ବନରକ୍ଷୀ), ଶ୍ରୀ ମନୋସ୍ମିତା ସାହୁ, (ବନରକ୍ଷୀ), ଶ୍ରୀମତୀ ଉର୍ମିଳା କିଷାନ, (ବନରକ୍ଷୀ), ଶ୍ରୀ ରଞ୍ଜନ ପ୍ରଧାନ (ହାତୀ ସ୍କ୍ୱାଡ୍), ଶ୍ରୀ ଦ୍ରୁବ ଚରଣ ସାହୁ ଙ୍କ ସହ ଅନ୍ୟ କର୍ମଚାରୀ ମାନେ ଉପସ୍ଥିତ ରହିଥିଲେ।