ସଂପୂର୍ଣ୍ଣ ଘଟଣା ଟି ହେଲା ଗତ ୧୯ ତାରିଖ ରେ ଅନୁଗୋଳ ଟାଉନ୍ ଥାନା ରଶ୍ମିତା ପ୍ରଧାନ ନାମକ ଜଣେ ମହିଳା ଅଭିଯୋଗ କରିଥିଲେ କି ବନ୍ତଳା ଥାନା ତାଳପଦା ଗ୍ରାମ ର ଅକ୍ଷୟ ପ୍ରଧାନ ଙ୍କ ଠାରୁ ସେ କୋର୍ଟ ରେ ଚୁକ୍ତି କରି ଧାର ସୂତ୍ରରେ ୩ ଲକ୍ଷ ଟଙ୍କା ଆଣିଥିଲେ। ଯାହା କୁ ପରବର୍ତ୍ତୀ ସମୟରେ ଅକ୍ଷୟ ପ୍ରଧାନ ୩ ଲକ୍ଷ ୫୦ ହଜାର ବୋଲି କହିବା ସହିତ ସୁଧ ଆକାର ରେ ଏକ ଲକ୍ଷ ରୁ ଅଧିକ ଟଙ୍କା ନେଇଥିଲେ । ଏହିପରି ଅକ୍ଷୟ ପ୍ରଧାନ ରଶ୍ମିତା ଙ୍କ ଠାରୁ ମୋଟ ଚାରି ଲକ୍ଷ ୭୫ ହଜାର ୮୦୦ ଟଙ୍କା ନେଇଥିଲେ ମଧ୍ୟ ସେ ଅଧିକ ଟଙ୍କା ଦାବି କରିବା ସହ ମୋଟ ୧୫ ଲକ୍ଷ ଟଙ୍କା ମାଗି ଆସୁଥିଲେ । ରଶ୍ମିତା କୌଣସି ଏକ କାର୍ଯ୍ୟ ରେ ଅନୁଗୋଳ ଟାଉନ୍ ଥାନା କୁ ଆସୁଥିବା ବେଳେ ଅକ୍ଷୟ କିଛି ବ୍ୟକ୍ତି ଙ୍କୁ ଧରି ତାଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରିବା ସହ ଧମକ ଦେବା ଓ ଜୀବନରୁ ମାରି ଦେବାକୁ କହିଥିଲେ ।
ଏହା ବ୍ୟତୀତ ଏକ ନିର୍ଦ୍ଧିଷ୍ଟ ଗଣ ମାଧ୍ୟମ ରେ ରଶ୍ମିତା ଙ୍କୁ ଅପମାନିତ କଲା ଭଳି ଖବର ପରିବେଷଣ କରି ତାଙ୍କର ଚରିତ୍ର ସଂହାର କରିଥିବା ନେଇ ଟାଉନ୍ ଥାନା ରେ ଅଭିଯୋଗ କରିଥିଲେ । ଏହି ଘଟଣାକୁ ଚାରି ଦିନ ବିତି ଯାଇଥିଲେ ମଧ୍ୟ ଥାନା ଅଧିକାରୀ ଘଟଣା କୁ ଗୁରୁତ୍ଵ ନ ଦେବାରୁ ରଶ୍ମିତା ବାଧ୍ୟ ହୋଇ ଆରକ୍ଷୀ ଅଧିକ୍ଷକଙ୍କ ନିକଟରେ ଅଭିଯୋଗ କରିଛନ୍ତି । ଏଥି ସହିତ ତାଙ୍କୁ ନ୍ୟାୟ ମିଳିବ ବୋଲି ପ୍ରତିଶ୍ରୁତି ଦେଇଥିବା କହିଛନ୍ତି । ଏ ଘଟଣା ବିଷୟରେ ଅକ୍ଷୟ ପ୍ରଧାନ ଙ୍କୁ ଫୋନ ଯୋଗେ ଯୋଗାଯୋଗ କରିବାରୁ କୌଣସି ମତାମତ ଦେବୀ ନାହିଁ ବୋଲି ସଫା ସଫା ମନା କରିଥିଲେ। କାହିଁକି ମନା କରୁଛନ୍ତି ଏ ନେଇ ସନ୍ଦେହ ସୃଷ୍ଟି ହେଉଛି।