ମୁଁ ବଞ୍ଚିବାକୁ ଚାହୁଁଛି ସରକାର ମୋତେ ସାହାଯ୍ୟ କରି ବଞ୍ଚାଇ ଦିଅନ୍ତୁ
କର୍କଟ ରୋଗର ଯନ୍ତ୍ରଣାରେ ଛଟପଟ ଅସହାୟ ମହିଳା ସୁକାନ୍ତି
ପ୍ରଶାସନ ଓ ସରକାରକୁ ସହାୟତା ପାଇଁ ଆକୁଳ ନିବେଦନ ହୋଇଛନ୍ତି ସୁକାନ୍ତି
ଅନୁଗୋଳ ଜିଲ୍ଲା ବଅଁରପାଳ ବ୍ଳକ ଅନ୍ତର୍ଗତ ବଳରାମ ପ୍ରସାଦ ଗ୍ରାମ ପଞ୍ଚାୟତ ପାଟଣା ସାହି ନିବାସୀ ସୁକାନ୍ତି ନାହାକ ଦୀର୍ଘ ବର୍ଷ ହେବ କର୍କଟ ରୋଗରେ ପୀଡିତ ହୋଇଛନ୍ତି । ପ୍ରାରମ୍ଭରେ ତାଙ୍କର ପେଟରେ ଅସ୍ତ୍ରୋପଚାର ହୋଇଥିଲା । ବେସରକାରୀ କ୍ଲିନିକ ଡାକ୍ତରଙ୍କ ଅବହେଳା ଯୋଗୁଁ ପରିଶ୍ରା ଶିର କଟିଯିବା ପରେ ତାଙ୍କର ଅବସ୍ଥା ଗୁରୁତର ରୂପ ନେଇଥିଲା । ତାଙ୍କୁ କଟକ ବଡ଼ ମେଡ଼ିକାଲ ଯିବାକୁ ଡାକ୍ତର ପରାମର୍ଶ ଦେଇଥିଲେ । କଟକ ମେଡ଼ିକାଲରେ ଚିକିତ୍ସିତ ହୋଇ ଘରକୁ ଫେରିବା ପରେ ରୋଗ କମିବା ପ୍ରତିବଦଳରେ ବଢିବାକୁ ଲାଗିଲା । ତିନି ବର୍ଷ ପୂର୍ବରୁ ଦୁର୍ଘଟଣାରେ ୧୮ ବର୍ଷର ଯବାନ ପୁଅକୁ ସୁକାନ୍ତି ହରାଇ ବସିଛନ୍ତି । ଯାହା ଅର୍ଥ ଥିଲା ଚିକିତ୍ସା ଓ ମେଡ଼ିସିନରେ ଖର୍ଚ୍ଚ ହୋଇଯିବା ପରେ ସାହି ଯୁବକ ଓ ସାହି ପଡିଶା ଲୋକଙ୍କ ସହାୟତାରେ ଦିନକୁ ଦୁଇ ଓଳି ଖାଇବାକୁ ମିଳୁଛି । ଚିକିତ୍ସା ଓ ମେଡ଼ିସିନ ଯାଇ ଅର୍ଥ ପ୍ରତିବନ୍ଧକ ସାଜିଥିବା ବେଳେ କୌଣସି ପ୍ରକାରର ପ୍ରଶାସନିକ କିମ୍ବା ସରକାରୀ ସହାୟତା ବର୍ତ୍ତମାନ ପର୍ଯ୍ୟନ୍ତ ସୁକାନ୍ତି କୁ ମିଳିନାହିଁ । ଜୀବନ ମୃତ୍ୟୁ ସହ ସଂଘର୍ଷ କରୁଛନ୍ତି ସୁକାନ୍ତି । ବଞ୍ଚିବା ପାଇଁ , ଔଷଧ ସେବନ ପାଇଁ, ଉଚ୍ଚ ସ୍ତରୀୟ ଚିକିତ୍ସା ପାଇଁ ସୁକାନ୍ତି ଓ ସାହି ପଡିଶା ଏବଂ ସ୍ୱେଚ୍ଛାସେବୀ ଚିନ୍ମୟୀ ଦାସ ଗଣମାଧ୍ୟମ ଜରିଆରେ ଅନୁଗୋଳ ଜିଲ୍ଲା ପ୍ରଶାସନ ଓ ରାଜ୍ୟ ସରକାରଙ୍କୁ ନିବେଦନ କରିଛନ୍ତି ।
ଯଦି କେହି ବଦାନ୍ୟ ବ୍ୟକ୍ତି ସୁକାନ୍ତିଙ୍କ ଚିକିତ୍ସା ପାଇଁ ଆର୍ଥିକ ସହଯୋଗ କରିବାକୁ ଚାହୁଁଛନ୍ତି ତେବେ Phone Pe No-8594865968,ତାଙ୍କ ଇକୋ ବ୍ୟାଙ୍କ Ac/No- 13870110090022, IFSC – UCBA0001387ରେ ଆର୍ଥିକ ସହାୟତା କରି ପାରିବେ।
ଅନୁଗୋଳ ରୁ ସୁଶାନ୍ତ କୁମାର ସାମଲଙ୍କ ରିପୋର୍ଟ ମମତା ନ୍ୟୁଜ