ଅନୁଗୋଳ ଜିଲ୍ଲାର ଜିନ୍ଦଲ ଷ୍ଟିଲ ଇସ୍ପାତ କାରଖାନାରେ ଦେଶର ଅନ୍ୟତମ ବୃହତ ବ୍ଲାଷ୍ଟ ଫର୍ଣ୍ଣେସ୍ କାର୍ଯ୍ୟ କରିବା ଆରମ୍ଭ କରିଛି। ଏହାକୁ କମ୍ପାନୀର ମ୍ୟାନେଜିଂ ଡାଇରେକ୍ଟର ନବୀନ ଜିନ୍ଦଲ ଉଦ୍ଘାଟନ କରିଛନ୍ତି। ଭଗବତୀ ସୁଭଦ୍ରିକା ବ୍ଲାଷ୍ଟ ଫଣ୍ଡେସ-୨ ନାମରେ ନାମିତ ଏହି ପ୍ଲାଣ୍ଟର ହଟ ମେଟାଲ ଉତ୍ପାଦନ କ୍ଷମତା ବାର୍ଷିକ ୪ ନିୟୁତ ଟନରୁ ୯ ନିୟୁତ ଟନକୁ ବୃଦ୍ଧି ପାଇଛି। ଏହା ଦ୍ୱାରା ଅନୁଗୋଳ ଷ୍ଟିଲ୍ ପ୍ଲାଣ୍ଟ ଗୋଟିଏ ସ୍ଥାନରେ ପରିଚାଳିତ ରାଜ୍ୟର ସର୍ବବୃହତ ଇସ୍ପାତ କାରଖାନା ହୋଇପାରିଛି ବୋଲି କମ୍ପାନୀ ସୂଚନା ଦେଇଛନ୍ତି ।
ଏହି ଅବସରରେ ଶ୍ରୀ ନବୀନ ଜିନ୍ଦଲ ନିଜ ସୋସିଆଲ ସାଇଡ ରେ ଜଣାଇଛନ୍ତି , ଅତ୍ୟାଧୁନିକ, ସ୍ବୟଂଚାଳିତ, ଦୃଢ଼ ସୁରକ୍ଷା ବ୍ୟବସ୍ଥା ଓ ବର୍ଷିତ କ୍ଷମତା ସହିତ ୫,୪୯୯ ଘନ ମିଟର ଆୟତନ ବିଶିଷ୍ଟ ଏହି ଫର୍ଡେସ୍ ବିଶ୍ଵର ସବୁଠାରୁ ବଡ଼ ଓ ଉନ୍ନତ ବ୍ଲାଷ୍ଟ ଫର୍ଣ୍ଣେସ୍ ମଧ୍ୟରୁ ଅନ୍ୟତମ। ଭବିଷ୍ୟତର ପ୍ରକଳ୍ପଗୁଡ଼ିକରେ ପାରାଦୀପରେ ବନ୍ଦର, ସଲରି ସ୍ଳରି ଓ କୋଇଲା ପାଇପଲାଇନ, ଶ୍ରୀଭୂମି ପାୱାର ପ୍ଲାଣ୍ଟ ଓ ନୂଆ କୋକ ଓଭନ୍ ପ୍ଲାଣ୍ଟ ଯୋଜନା ରହିଥିବା ନେଇ ସେ ସୂଚନା- ଦେଇଥିଲେ।