ସାମ୍ବାଦିକ କହି ଧମକ ଦେବା ପଡିଲା ଭାରି ଅସଲି ସାମ୍ବାଦିକ ପାଖରେ
ଆଜି ଅପରାହ୍ନ ପ୍ରାୟ ଚାରିଟା ସମୟରେ ଜଣେ ମାତାଲ୍ ଯୁବକ ନିଜକୁ ସାମ୍ବାଦିକ ବୋଲି ପରିଚୟ ଦେଇ ଅନୁଗୋଳ କାଜୁଆଲିଟି ଭିତରେ ପଶି ଚାରିପଟ ର ଫଟୋ ଉଠାଇଥିଲେ। ସିକ୍ୟୁରିଟି ଗାର୍ଡ ସାଲ୍ୟୁଟ ମାରି ତାଙ୍କୁ ଭିତରକୁ ଛାଡି ଦେଇଥିଲା। ଆଶୁ ଚିକିତ୍ସା କେନ୍ଦ୍ର ଭିତରେ ଥିବା କର୍ମଚାରୀ ମାନେ କାହିଁକି ମୋବାଇଲ ରେ ଫଟୋ ଉଠାଉଛ ବୋଲି ପଚାରିବାରୁ ସେ ଧମକ ଦେଇ କହିଥିଲା – ମୋତେ ଚିହ୍ନିନ? ତୋ ଚାକିରି ଘଣ୍ଟାକେ ଖାଇଦେବି। ଏହିଭଳି ମେଡ଼ିକାଲ ଭିତରେ ଉତ୍ପାତ କରିଥିବା ବେଳେ ଜଣେ ସୋସିଆଲ ମିଡ଼ିଆ ସାମ୍ବାଦିକ ଯୁବକ ଜଣକୁ ଧରି ସ୍ଥାନୀୟ ଫାଣ୍ଡି ରେ ଦେଇଥିଲେ। ଫାଣ୍ଡିରେ ପୋଲିସ କୁ ଦେଖି ଯୁବକ ଜଣକ ର ଅକଲ ଗୁଡ଼ୁମ୍ ହୋଇଯାଇଥିଲା। ଶେଷରେ ସେ କାନ ଧରି ଭୁଲ ମାଗିବା ସହ ଆଉ ଡାକ୍ତରଖାନା ପାଖ ମାଡ଼ିବି ନାହିଁ ବୋଲିଁ କହି ପାଳାଇଥିଲା।ସୁରକ୍ଷା ବ୍ୟବସ୍ଥା ରେ ଢିଲା ଯୋଗୁଁ ଏଭଳି କାଣ୍ଡ ନୀୟମିତ ଘଟୁଥିବା କୁହାଯାଉଛି।