ଅନୁଗୋଳ ଜିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖରେ ଚାଷୀ ସୁରକ୍ଷା କମିଟି ପକ୍ଷରୁ ଆଜି ବିକ୍ଷୋଭ ପ୍ରଦର୍ଶନ କରିଛନ୍ତି । ସୂଚନା ଯେ, ସ୍ଥାନୀୟ ଜଗନ୍ନାଥ ମନ୍ଦିର ଠାରୁ ଏକ ବିଶାଳ ରାଲି ଚାଷୀ ସୁରକ୍ଷା କମିଟି ପକ୍ଷରୁ ବାହାରି ବଜାର ପରିକ୍ରମା କରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲା । ଚକବନ୍ଦୀ ରେକଡ଼ର ଉଚ୍ଛେଦ ପରେ ରେଲୱେ ପାଇଁ ଜମି ଅଧିଗ୍ରହଣ ଏବଂ ଚକବନ୍ଦୀ ଗ୍ରାମର ଅଧିଗୃହୀତ ଜମିର ମୂଲ୍ୟାୟନ, ତହସିଲର ସର୍ବାଧିକ ମୂଲ୍ୟଥିବା ଜମିର ଆଧାରରେ ନିର୍ଦ୍ଧାରଣ ଦାବିରେ ଏହି ବିକ୍ଷୋଭ ପ୍ରଦର୍ଶନ କରାଯାଇଥିଲା ।
