ପାନୀୟ ଜଳ ସମସ୍ୟା ନେଇ ଉପ ଜିଲ୍ଲାପାଳଙ୍କୁ ଅଭିଯୋଗ ଜଣାଇଲେ ଗ୍ରାମବାସୀ

ଲୋକଙ୍କୁ ପାନୀୟ ଜଳ ଯୋଗାଇ ଦେବା ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । କିନ୍ତୁ ଏହା କେତେ ଦୂର କାର୍ଯ୍ୟ ହେଉଛି ଯାହା ତର୍ଜମା ହେଉନାହିଁ । ଯାହା ଫଳରେ ପାନୀୟ ଜଳ ପାଇଁ ବହୁ ସମୟରେ ହଇରାଣ ହେଉଛନ୍ତି ଜନ ସାଧାରଣ । ଅନୁଗୋଳ ଜିଲ୍ଲା ବଅଁରପାଳ ବ୍ଲକ ଅନ୍ତର୍ଗତ ଜାମୁନାଳି ଗ୍ରାମବାସୀ ମାନେ ଆଜି ଉପ ଜିଲ୍ଲାପାଳଙ୍କ ନିକଟରେ ପାନୀୟ ଜଳ ଯୋଗାଣ ପାଇଁ ଅଭିଯୋଗ କରିଛନ୍ତି । ସୂଚନା ଯେ, ବଅଁରପାଳ ବ୍ଲକ ଅନ୍ତର୍ଗତ ଜାମୁନାଳି ଗ୍ରାମବାସୀ ଆଜି ଅଭିଯୋଗ କରିଛନ୍ତି କି ତାଙ୍କ ଗ୍ରାମରେ ୬୦ ପରିବାର ବସବାସ କରୁଛନ୍ତି । କିନ୍ତୁ ଗ୍ରାମରେ ପାଣି ନାହିଁ । ଗୋଟିଏ ନଳକୂପ ଥିବାରୁ ଜଳ ସମସ୍ତ ଗ୍ରାମବାସୀଙ୍କ ପାଇଁ ପାଣି ମେଣ୍ଟାଇବାକୁ ସମର୍ଥ ହେଉନାହିଁ । ଯାହା ଫଳରେ ସେମାନେ ବହୁତ ପାନୀୟ ଜଳ ପାଇଁ ୨ କିଲୋ ମିଟରକୁ ଯାଇ ପାନୀୟ ଜଳ ଆଣୁଛନ୍ତି। ଯାହା ଫଳରେ ଦୁଃଖ କଷ୍ଟରେ ଚଳୁଛନ୍ତି ଗ୍ରାମବାସୀ । ଏ ନେଇ ବିଭାଗୀୟ ଅଧିକାରୀ ଙ୍କୁ ଅଭିଯୋଗ କଲେ ମଧ୍ୟ କେହି ଶୁଣୁ ନ ଥିବାରୁ ପ୍ରତ୍ୟେକ ବର୍ଷ ପାଣି ପାଇଁ ସେମାନେ ଡହଳ ବିକଳ ହେଉଛନ୍ତି । ଶେଷରେ ବାଧ୍ୟ ହୋଇ ଆଜି ଉପ ଜିଲ୍ଲାପାଳଙ୍କ ନିକଟରେ ପାଣି ଯୋଗାଇ ଦେବା ପାଇଁ ଗ୍ରାମବସି ମାନେ ଅଭିଯୋଗ କରିଛନ୍ତି । ଏବେ ଦେଖିବାକୁ ବାକି ରହିଲା ଯେ, କେବେ ପାନୀୟ ଜଳ ପାଉଛନ୍ତି ଜାମୁନାଳି ଗ୍ରାମବାସୀ ।