ଭିଜିଲାନ୍ସ ଜାଲରେ ଅନୁଗୋଳ ଜିଲ୍ଲା କିଶୋରନଗର ବ୍ଲକ କୃଷି ବିଭାଗ ଗ୍ରାମ୍ୟ କୃଷି କର୍ମଚାରୀ ବିଶ୍ୱନାଥ ଦାସ । ସେ ଏକ ଏନ ଜି ଓ ସଂସ୍ଥାର କୋଡିନେଟର ରଞ୍ଜନ ପ୍ରଧାନଙ୍କ ଠାରୁ ୨୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ବିଭାଗ ତାଙ୍କୁ କାବୁ କରିଥିଲା । ସୂଚନା ଯେ, କିଶୋରନଗର ବ୍ଲକର ଏକ ଏନ ଜି ଓ ସ୍ଥାନୀୟ ଅଞ୍ଚଳରେ ବିରି , ମୁଗ, ରାଶି ଏବଂ ଔଷଧ ବିତରଣ କରିଛି ।
ଏହି କୃଷି କର୍ମଚାରୀ ସେହି ଅଞ୍ଚଳରେ ଏହି ସବୁ ବିହନ ଓ ଔଷଧ ବିତରଣର ୟୁଟିଲାଇଜେସନ ସାର୍ଟିଫିକେଟ ଏନ ଜି ଓ କୁ ଦେବା କଥା । ଏଥିପାଇଁ ଏନ ଜି ଓ ର କୋଡ଼ିନେଟର ରଞ୍ଜନ ପ୍ରଧାନ କୃଷି କର୍ମଚାରୀଙ୍କ ପାଖକୁ ବାରମ୍ବାର ଦୌଡ଼ିଲେ ମଧ୍ୟ ଦେଉ ନଥିଲେ । ଏଥିପାଇଁ ସେ ଟଙ୍କା ଲାଞ୍ଚ ମାଗୁଥିଲେ । ଏଥିପାଇଁ ରଞ୍ଜନ ଭିଜିଲାନ୍ସ କାର୍ଯ୍ୟାଳୟ ର ଦ୍ୱାରସ୍ଥ ହୋଇଥିଲେ । ଆଉ ଆଜି ରଞ୍ଜନ ୨୦ ହଜାର ଟଙ୍କା ଲାଞ୍ଚ ଦେବା ବେଳେ ବିଶ୍ୱନାଥ ଦାସଙ୍କୁ ଭିଜିଲାନ୍ସ କାବୁ କରିଥିଲା ।