​ରାଉରକେଲା: ପ୍ଲାଣ୍ଟସାଇଟ୍ ଥାନା ପୋଲିସ ଏକ ହତ୍ୟାକାଣ୍ଡର ସଫଳ ପର୍ଦ୍ଦାଫାଶ କରିବା ସହ ୨୪ ଘଣ୍ଟା ମଧ୍ୟରେ ଅଭିଯୁକ୍ତମାନଙ୍କୁ ଗିରଫ କରିଛି। ଏହି ମାମଲାରେ ୪ ଜଣ ବୟସ୍କ ବ୍ୟକ୍ତି ଓ ଜଣେ ନାବାଳକଙ୍କୁ ଅଟକ ରଖାଯାଇଥିବା ବେଳେ ଅଭିଯୁକ୍ତଙ୍କୁ ଆଶ୍ରୟ ଦେଇଥିବା ଅନ୍ୟ ୨ ଜଣଙ୍କୁ ମଧ୍ୟ ଗିରଫ କରାଯାଇଛି।

ଗତ ଫେବୃଆରୀ ୬ ତାରିଖ ରାତି ପ୍ରାୟ ୯:୧୫ ସମୟରେ, ଅମର ଭବନ ନିକଟରେ ଅବିନାଶ ଯାଦବ (୩୪) ନାମକ ଜଣେ ବ୍ୟକ୍ତିଙ୍କୁ ତିନିଜଣ ଅଜ୍ଞାତ ଦୁର୍ବୃତ୍ତ ଏକ ଧାରୁଆ ଛୁରୀରେ ଆକ୍ରମଣ କରିଥିଲେ। ଗୁରୁତର ଅବସ୍ଥାରେ ତାଙ୍କୁ ଜେପି ହସ୍ପିଟାଲ ନିଆଯାଇଥିଲା, ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

​
ପୋଲିସ ଦ୍ଵାରା ଗିରଫ ହୋଇଥିବା ବ୍ୟକ୍ତିମାନେ ହେଲେ ମୋହିତ ବଜ୍ରା, ଶୁଭମ ପାସୱାନ, ସିଧୁ ତନ୍ତି ଓରଫ ବିଟୁ, ଏବଂ ରାଜବୀର ରାମ। ଉଲ୍ଲେଖଯୋଗ୍ୟ ଯେ, ସିଧୁ ତନ୍ତିଙ୍କ ନାମରେ ପୂର୍ବରୁ ୩୬ଟି ଅପରାଧିକ ମାମଲା ରହିଛି।
​
ପୋଲିସ ଘଟଣାରେ ବ୍ୟବହୃତ ଛୁରୀ, ଦୁଇଟି ଗାଡି (OD-27A-1150 ଓ OD-14AC-2490) ଏବଂ ୫ଟି ମୋବାଇଲ୍ ଫୋନ୍ ଜବତ କରିଛି। ଅଭିଯୁକ୍ତମାନଙ୍କ ବିରୋଧରେ ଭାରତୀୟ ନ୍ୟାୟ ସଂହିତା (BNS) ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।

rourkela #rourkelapolice #odishapolice